Quana uqaqvigijatin Nunavut Kavamanga Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik. Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit. Una havaakhaq angmaumajuq tamainnut uukturumajunut. Nunavut Kavamanga tikkuaqtauhimajuq talvanga amigaittunit taamnaujuq Kanadamin Nakuutqijaujut Aallatqiingnik Havagviit, Quulliqpaangujut Havaktipkaiji Inulrammiinnun ukunungalu qangannuaq iniqtiqhimajut iliharvingnin uvani 2024-mi. Atauhiq qilamik inugiahitiqtuqtuq ukualu inulramiit amigainirit, Nunavut aallangajuq piniqtuqlu aviktuqhimajuq aghuurutiqaqhutik nakuutqiakkut najugaujuq hivuniptingni kinguliptingnun. Kavamaupluta, hakugikhijuummikpaktavut aallangajuq atuqpaktaptingnik kavamaliqidjutinut - talvali ilaudjutigiplugit Inuit nuatqatigiingnikkut uppirijait, akhuuqhaiplutik aturniatigun Inuktut uqauhianik, pipkaiplutik tautungnarniqaqtunik kavamatkunni havaktiujunik, havaqatigiplugillu paannarijait pipkainianik itquumaniani Nunavut. Havaaniktitaujut uuktuqtut quviaginiaqtait akhuurnaktuq akiliuhiaqhaq, aanniarnikkut kiguhiliqinirmullu ikajuutikhat, naunaiqhimajumik ikajuutikhaq havaguiqpiagumi, nuutirnikkut ikajuutikhat pivikhaqaqtitaulunilu ilihainirmun havaamilu hivimuudjutikhanik.

Nunavunmi Igluliqijirjuat (NHC) kivraqtuin’ngujut Nunavut Kavamainnut kivraqtuqhutik igluqhailliuqtunut qilaminnuaq amigaitqijauplutik inuriaqhiuplutik nukaqhiit inuqarniitigut Kanatami. NHC kut hivuniqhaa imaa ittuq piliuriami, ihuaqhailugit munarilugitlu igluqhatigut piviqhaita imaa pijaami piviqhaqarnirmun nakuujumik akittuqjuaqhimaittumik igluqhanik ilagiiqtunut inungnutlu Nunavunmi. NHC kut pilihaaqpaktut takupkaqtitaqhutik Nunavutim 3000 Ihumaliutqiqtauviqhaanik, (www.igluliuqatigiingniq.ca) havaqatigiiqtauhimajaat kavamatkut paatnaitlu tunihijaami 3,000 nutaanik igluqhanik tamaani pidjutihimmaagutipluni igluqhanik talvunamut 2030.

Ilituqhaijukhaq talvunga VP Kiinaujaliqijitkut Kuapuraisingitlu Ikajuutikharnik, Aulapkaiji, Atugakhaq Hanaqidjutikharnik Upalungaijarniq unaujuq kiunautigilugit maligakhat uvalu ikajuqhugit pivallianikkut uvalu ihivriurlugit hapkua NHC-kut maligait uvalu maliguagakhait, naittut, uvalu ihumaliugutit titiqat. Aulapkaiji tunihimaarniaqtuq hivuliqtikharnik talvani havagvingmi-tamaat hanaqidjutikharnik upalungairutikharnik, ilaujut katitiqhimajut, titiraqhimajuniklu ihivriudjutikharnik naunairutikharnik talvuuna igluliqinikkut munagidjutikharniklu tutqikhaidjutikharnik naunairutikharnik Ministamun, Angijuqaak, Katimajiinunlu, Katimajiingitlu pijaangat kuapuraisingit.

Tukimuaqtiujuq ikajuqtait naunaipkaqhimajut ihumaliurutingit, aadjikutaliurninnga ihumaliurutingit hulilukaarutingillu, ihuaqhaqhimajuq nakuujumik ihumaliurniq unalu maligamut tunngavingit, nakuujumiklu kuapuriisinga uqaqatigiikniq. Una havaaq ihariagijuq hivuliqtimik naunaijariami ajurnaqtumik nuna kavamanga kavamatkunni angirutingit, ministait havaangit, unalu ministait hivulliutijakhat havaakhangit. Kivgaqtungniaqtutit hanaqidjutikkut uqaudjinun uvalu maliguagahanun, numiktiqlugit auladjutikkut atuqtaujut hulidjutinun hanaqidjutinun tapkua ihuaqtut Kavamatkunun Nunavunmi tautuktuumijaaqtainun iglughanun.

Ilaupluni Kuapuriisiup angajukhiinni hivulliuqtini havaktiinni, Aulapkaiji havaqatiginiaqtait atanngujat, ajuittunin tigumidjutiqaqtunilu tamaani NHC-kunni pipkainikkut aadjikiknirnik parnaqutikhakkut hivulliutijaujukhanik, maligaghani hivulliurutikhanik, aulapkainikkullu piqpiarutinik. Una havaaq ihariagijuq havaqatigiiktumik ihumamik pittaarninngalu piliuriami ukpirijumik ilauqatauniq tamainni timiqutigijangani.

Hunamik Nakhaqhimajat

• Kangiqhittiaqlugit kavamatkut maliruagahait uvalu ihumaliugutit havauhiit.
• Pittaarninga piliuriami ukpiriniq pipkaidjutijuqlu tamainni kavamaliqinirmut havakviuplu kiklikhangit.
• Hanaqidjutikharnik ihumaliugianganik unipkaagianganik ajuittiarutikharnik uqaqtiujaangat igluiliurnikkut piumaluaqtainik.
• Ikpingnarnirmik ihumalungniq imaalu mahulingaitpalliadjutikhat hivuliqtuilutik ajurnaqtunut imaalu aallangurniinnik.
• Akhuugutit inungnun kivgaqtuutinun uvalu nunallaanun-pihimajut hivuliqhuqnikkut.
• Ilihatiaqhimaluni ilitaqhijunmik ilitarijauhimajumit ilihaqpaalirvingmi ilihaqvikjuanit Inuit Nanminiqmiluniit Munarijit, Inuuhiqmi Naunaijautinik, pijutiqaqtunikluniit havaami.
• Tallimanik (5) ukiunik havagiikhimajukhaq talvani atugakharnik havaanganik, taima ilauqaqtukhaq atugakharnik pivalliadjutikharnik ihivriudjutikharniklu, hanaqidjutikharnik upalungairutikharnik, tuhaqtitijaangat nunalaanilu ilauqatigiiktukharnik, ajungnautiqaqtuniklu munagidjutikharnik ilaujut
• Pingahunik (3) ukiut aulahimaaqtunik atangujaunikkut atuqhimajainik.

Naamagijaujut ihumagijaujut iliharnirmun uvalu atuqpakhimanikkut ihumagijaujut haffumunga havaamun. Akhuuqhajagit uukturlutit piqaruvin aadjikiiktumik ukiunik iliharnirmun uvalu/uvaluuniin atuqpakhimaguvin aadjikutaanik iliharnirmik atuqhimanirmiklu pijakhat titiraqhimajut qulaani.

Una havaakhaq Havaakhaujuq Uppiruhungnirmut naammagijaujumiklu Ihuinaarutiqaqtunik Naunaitkutainik Naunaijarniq ihariagijaujut.

Ilitarijauhimajun Uqauhiit Nunavunmi ukuat Inuktut, Qablunaatun Uiuitullu. Uuktuqtut tuniinnariaqaqtait havaqpakhimajainnik titiraanik kituni aturumajaminut ilitarijauhimajuni uqauhiinni Nunavunmi. Uqaqtaarluni atauhiinnaungittumik Nunavutim ilitarijauhimajainnik uqauhiinnik ikajuutauniaqtuq. Qaujihimaniq Inuit nunallaanginni, pitquhiinni, nunaani, Inuit Qaujimajatuqanginni, Inuktun havakpakhimanirnunllu ukiuqtaqtumi aallakkiingniqaqtuni-pitquhiinni havagviinni ihumagijaujuq ikajuutaujuq.

Uukturumaguvin uumunga havaakhamun, qaritaujakkut-titiqqidjavan titirat havaakhaqhiurutillu uumunga [email protected] . Ilaliutilugu naunaitkutaq nampaa uvani titiraqviani naunaitkutaani qaritaujakkut-titiqqidjutingni.

• Nunavut Kavamanga pijumajuq piliuriami tautungnaqtunik havaktinik; taimaatun, hivulliutijauniaqtun Nunavunmi Inuinnait taapkua ingmingnik-naunaijaqhimajun ilaujun ataani Nunavunmi Angirutimi mailikhugu Hivulliutinikkut Havaktikhat Atugakhami.
• Kavamatkut Nunavunmi havaktiit kivgaqtuqtut kikliqarnirmun hivituniinik pihimajukhat uvalu tunihilutik titiraqhimajumik angirutinik haffumanga tuglianin atangujap havagvingmingni havagviini. Angirutit tuglirmin atangujamin ilaqaqtukhaq uuktuutingnik uuktuutingnun ihumagijaujaarni.
• Piqarniq ihuinnaarnirmun naunaitkutanik pidjutaulimaitut uuktuqtuun ihumagijaunirmun. Ihivriurutait ihuinaarutinun naunaitkutit aktilaaqtauniaqtut anginianun ukualu havaakhainun havaakhap. Una pijariaqaqtuinaq havaakhanun tapkua pijariaqaqtut nakuugijaujut ihuinnaarnirmun naunaitkutit ukualuuniin ihuinnarnirmun havagvingmi naunaijautit.
• Uuktuqtut tujugahait inmi havakpangnirmun qujaginaq Ilitarijaujuni Uqauhiinik Nunavunmi.
• Taapkuanginnait uuktuqtut tikkuaqtaujut apiqhuqtaujaamingnik hivajaqtauniaqtut.
• Inmingnik pijukhat uuktuqtut pihimajun ahinin nunanin iliharvigjuani iliharutainnik naunaitkutainnik pipkailutik ahinin nunanin naunaitkutait qaujihaqtakhaujun talvuuna ilitarijauihimajumi Kanadami iliharnikkut iliharvianin. Taimaatun pinggitkumik ihumagijaulimaittut uuktuutait.